البنت
اللى طارت من ديوان الشعر
و قعدت تلف ف السما
قعدت قدامك ع المكتب
مستربعة
بالبرا البينك
و الهوت شورت
و الشقاوة بتدلدق من عينيها
البنت
اللى غصبن عنك
رزعتها بالشلوت
بره حياتك
من كام شهر
عشان ما عدتش مستحمل أهلها
و لا استسلامها
و لا دبلتها اللى خانقة صباعك
بالإهانات
البنت
اللى طفحْتْ الدم
عشان ترحم أحلامك
من زباراتها الناعمة
و من ذكرى الشانيل
اللى ماكانتش راضية تسيب صدرك
زارت صاحبك الشاعر
ف أحلامه
و يمكن كمان
تكون شممته الشانيل
و هو نايم
عشان يكتب قصيدة عنها
عارفه أكيد
إنك هاتقراها
0 التعليقات:
إرسال تعليق